Tingang kanderang ampit bulue

Oleh : Effendy Jinu

Pejabat je tamam auh garacak  cuma pander sama tanding ” TINGGANG KANDERANG AMPIT  BULUE’’  te jatun kahanyi alias pamikeh  handak manindak jituh tuntang jite nah.

Arae je Burung Tingang hai auh , derem padang kayuan  hayak hai bulue, dia kilau burung Ampit kurik bitie sama kilau  bulue. Burung Ampit paling kahain  tunjuk pai, sedangkan burung Tingang  kahain sapak buntis kalunen tampayah awi kakapal bulu.

Awite amun jadi pimpinan, ela je tamam garacak, tapi jatun kahanyi tuntang gitan taluh gawie  mangat dia kilau tanding tuh. Oloh bakas huran maajar itah amon karas hining auh pahiau burung tinggang, amun mikeh  ite kahain burung ampit.

Sifat oloh itah nah  are benyem dia maku kilau auh burung tingang hing hang, awite are mangalah petak bahu lakau duan perusahaan benyem kea, tapi amun jadi lembut kahanyi dia mikeh matei kilau malawan perusahaan kelapa sawit kilau huang desa ponduk damar kabupaten seruyan awi gawin perusahaan marusak eka kuburan tato hiang ewen.

Puna are auh komentar oloh  mite gawin perusahaan jadi dia marega itah hindai, tapi sama uras auh itah sama mangang bara kejau ih,  awi je tempun perusahaan  oloh hai  sama kilau kahain burung tingang, sementara itah ( rakyat) ibarat  burung ampit pasi itah.. (***).

 

image_print
Menampilkan lebih banyak
Close