Sama Teweng  Marau

Oleh : Effendy Jinu

Manampayah ampin gawin KPK manuntas kasus E-ktp  je malibat pejabat Negara, puna are kana tekap   tame penjara  kilau tanding ”SAMA TEWENG UWEI MARAU”  awi puna kalute amon itah  handak manduan dereh uwei marau puna neweng kayu ije kapulau te.

Puna bahanyi kea tim KPK manuntas e-ktp te,  patut nega jempol, awi pimpinan DPR-RI sama kana tekap tame penjara kea palus malalar akan je beken ampin pandarin duit korupsi sampai triliunan. Handak dia tame akal sehat itah pejabat Negara Ketua DPR jadi nenga fasilitas lengkap sampai gajih awi Negara, tapi tatap manyalangking gawi umba korupsi.

Ampi amon itah manyeneh auh Nasarudin te puna tau are kana tekap awi iye   mansanan oloh je umba kuman duit te, sampai  mangaet suluh pimpinan Republik metuh jaman SBY awi pengacara Firman, tapi jadi lapor akan Mabes Polri auh te fitnah .

Pengacara Firman balaku asi umba manaharep masalah te dengan awan Ketua KPK  ,  Antasari Anzar  bihin puji kana tahan terlibat mampatei cuma awi kasingi ih Antasari kana batu bahanyi mambuka kasus bank ih,  tapi jadi balua. Nah itah uras katawan kasus Korupsi te tau tabuka uras , awi hataharep dua tokoh nasional  ( SBY-ANTASARI).  Metuh jaman Antasari puji  manahan sanger SBY.

Amon kalute ampin  galagat ah ,tau je are pulau uwei marau tateweng, awi  Presiden Joko Widodo puna handak manuntas Korupsi, awi jite mawi itah dia tau miar kilau Negara  beken. (***)

 

image_print
Menampilkan lebih banyak
Close