Kilau Kelep Mandai Tunggul

Oleh:Effendy  Jinu

Kalunen toh handak uras belom sanang mangat, tapi tege je dia sampai kahandak sama tanding “ KILAU KELEP MANDAI TUNGGUL”, babehat auh tampengan te, awi dia puji itah mite kelep je kuhap kuhap mandai tunggul nah.

Beken Beruk Bakei Bakara tau mandai Tunggul, awi puna pai lenge jadi rancang pencipta Rajing Hatallla Langit (Tuhan) puna akan ewen tau mandai, tapi Kelep irancang seumur belom mangayar huang padang bahu lakau. Amon tege tundah kula mite Kelep salenga tau kuhap kuhap mandai tunggul duan akan pintu rajaki belom.

Awite nah tege kesah pahari itah Papalui mambesei Kelep huang Jukung, dia iye bingat area je Kelep awi uyuh mambesei Jukung palus nyewut area Harajanguk, awi gitae kelep te uras jangkuk jangkuk sambil bitep-bitep matae.

Narai ampi kesah sama huma ih pahari itah Papalui te bakesah akan Sawae Indu Palui aku tege mimbit Harajanguk (Kelep ), palus nansulang auh indu Palui manyewut kamameh Pa  Palui te, duan auh kasingi indu Palui ih.

Nah, toh mangarendeng itah mangat ela kilau indu Palui amon tege kasala Bana natawae Sawan itah, awi jalan miar andau baganti bulan miar nyelo umur batambah miar akan kabakas murah lupa paingat sama pa palui.

Kalute kea mon itah jadi bausaha selepah belai mangancang tulang uhat kilau oloh, tapi bahali miar belom mangat, ela mamaksa dengan pikir tipu, awi jadi tatulis huang lukap lenge awi sang pencipta. Awite perlu itah mahaga kasabar belom, mangat dehen huang kabujur, dia manyimpang jadi rampok maling bigal awi handak tatau sanang.

Toh itah belom jaman berpolitik alam Demokrasi, are ampin politik dia mendeng huang Demokrasi te, awi mangkeme jadi kuasa pintar tuntang harati hayak are duit akan bantal batiruh, tapi ela nalingau je mintih rakyat je belom asi asi tege kedaulatan huang tunjuk hak pilih manentui jebi tilabien bara je beken akan kamanang pilkada, awite amon jadi pimpinan daerah ela lupa rakyat kurik te. ( ***)

image_print
Menampilkan lebih banyak
Close