Kilau Dawen Pisang Nampuh Riwut

Oleh : Effendy Jinu

Tanding tampengan toh mangarendeng itah mangatela “ KILAU DAWEN PISANG NAMPUH RIWUT’’ belom jatun pendirian jadi oloh panjilat atawa ekilau Saluang Adu ( suka adu domba) mamikir arep kabuat, dia paduli hindai tundah kula sambil gantau likut balikat.

Sipat je kilau te dia bahalap ,jaka tau tuntang ulih ela nangkaranak mambibit kilau mimbul kawak sayuran nah anak anak esu, awi jite marusak kapakat itah belom sama utus Dayak. Amon mandehen kilau dawen pisang te, maka sampai tujuan pambelom kabuat sama kilau Sawut Enyuh Bentuk Laut manakuan galombang mimbit kanih kate.

Awi jaman huran tato hiang itah uras asi-asi sampai tege auh nyayian ewen je kalutuh auh Pasi utusku je asi-asi kilau anak kurik hindai harati, itah balihi awi keterbatasan pola pikir tuntang pengalaman are dia sakola.

Amon wayah toh jadi mangat itah are tundah kula gantung sakola sampai Profesor Doktor bahambur, jadi dia ulih hitung kea  je manyandang galar Sarjana (S-1, S-2­) atau Diploma te, sehingga are itah jadi kepala dinas sampai pimpinan daerah manjadi raja melai lewu kabuat.

Awi jadi are pintar harati nah puna mangat mambangun lewun human itah, asal nenga kepercayaan akan ewen mangguna kapitar kaharati te, ela mameteng sampai dia tau bagarak.

Nah, eka itah toh manaharep Pemilihan Kepala Daerah/ Wakil akan nambakas itah marancangampin Pembangunan mangat tau miar hagatang kilau lewun human oloh pulau Jawa kanih, ela sampai pendudukung te kilau Dawen Pisang Nampuh Riwut jatun pendirian atawa silau nampayah duit. (***)

 

image_print
Menampilkan lebih banyak
Close