Harun geger gampar

Oleh: Effendy Jinu

Gawi je bahalap awi Bareskrim Mabes Polri dengan Ditreskrimsus Polda Kalimantan Tengah manyusun Tim Khusus (Timsus) tindak pidana tertentu handak mariksa perizinan usaha perkebunan Kelapa Sawit dan je beken kea, awi cukup menyusah pambelum Kahiu (Orangutan) dan Manusia sekitar lokasi perkebunan katikatoh.

Ampi jaka dia supa hantun Kahiu bahantung netekoloh Takuluk melai sungei Barito  nah, diamaka tau ridu awi enekan masyarakat Internasional, bahwa padang kayu aneka Kahiu tuntang Kalunen belom jadi handak jatun, sehingga uras “ HARUN GEGER GAMPAR” , awi katahin toh puna marajalela oknum perusahaan Perkebunan kelapa sawit bekerjasama dengan masyarakat desa marusak padang kayu anitah.

Cara perusahaan sakait dengan oknum oloh lewu manampa surat petak padang kayuan indukung awi oknum Kepala Desa , Camat ,Mantir/ Damang manampa Surat Keterangan petak padang kayuan tepalus imili perusahaan murah regae. Itah baharap Timsus toh manyalidik sampai tuntas petah rakyat je duan perkebunan palus manindak oknum je manampa gawi dia beres te, termasuk perusahaan bagawi luar areal je resmi.

Awite timsus toh herah, dia je hanya Gertak mangertak mangat Perkebunan Sawit mikeh, awi puna uras perusahaan Sawit je tege melai eka itah toh uras malabih bara areal je nenga pemerintah, bahkan teged iantara je puna dia lengkap izin, tapi jadi hai tuntang produksi kabun sawit, aparat penegak hukum tuntang pimpinan daerah katahin toh uras suni benyem samatanding “MANUK MAHEREM TANTELUH.”

Buhen maka itah hamauh auh te, awi jadi bila kapehe pinding mahining auh keluhan masyarakat sekitar lahan perkebunan sawi lepah petak ewen induan perusahaan, tege je jadi mangadu tuntang malaporkan ih kateu ras benyem sama tanding mangadu Sangumang akan indue.

Awite, itah patut umba berdukacita je paling handalem tagal pampatei ijekungan Kahiu melai Barito te, jaka tau tuntang ulih manampa monument sejarah eka kuburan Kahiute. itah berharap dengan aparat Kepolisian manindak Perusahaan Perkebunan Sawit te, awi je kungan Kahiu lebih hai rega bara ije biti Kalunen ampi wayah toh.

Puna ampin je ara pambelom dunia uras aneh-aneh. Wayahtoh Kahiu malabih bara Kalunen kilau melai huang Nyaro Menteng Palangka Raya kuman teratur lengkap kare bua tuntang susu panginan ewente. (***) ,

image_print
Menampilkan lebih banyak
Close