Giri-Giri Mahining

Oleh :Effendy Jinu

Ayo itah sama waspada tuntang barendeng ,awi auh peredaran Narkoba Zenit melai eka itah Kalteng jadi sampaia kan desa-desa handak marusak bakas tabela bawi hatue katagihan kuman obat tau uras gila barawe.

Mahining auh je kilau tepuna tau manampa itah ‘’GIRI GIRI MAHINING’’sampai ritret  kasinga awi kagiri angat mahining, sampai dia ulih Pemerintah mambarantas miar andau baganti bulan tambah manyangit. Buhen ndai sampai aparat penegak hukum,tokoh Adat, tokoh Agama dan tokoh masyarakat dia mampan mambarantas obat haram gila barawe.

Buhen je tau mambahaya generasi itah dia ulih itah berantas bujur buah nah, awi je dia itah kuman obat gila te itah balihi bara oloh, tambah hindai kuman obat, mahie mahie karusak anak tabelan itah humung mameh diatawan bawi hatue. Amon jadi uras katagihan obat gila te sama Bakei taruk edan mamangkut arep, awi rusak ontek dia ulih bapikir.

Aku mambasa huang surat kabar eka, tege telo oknum Polisi anggota Polda

Kalteng manahare psidang intu Pengadilan Negeri Palangka Raya, awi lalai balua

Tahanan Narkoba Cuma nenga duit dua juta jalatien ratus ribu ih, sampai sanggup

Marusak pangkat Polisi sampai. Kanurasak aneh aneh sampai tau kilaute ampin

Karusak mental oknum aparat itah.

Anggota DPRD Kalteng bara Komisi C  Bapak Duwel Rawing umba komentar puna prihatin jadi mite peredaran Narkoba ekai tah toh tambah karas. Ayo pak itah baharap kilen ampin mambarantas. Amon kalute auh itah uras manjaga pendeng pos anti Narkoba melai tumbang     jalan tame barahunjun(udara), petak (darat) atawa laut. Ayo itah sama-sama haimbing lenge bara kare aparat Kepolisian,TNI, Camat ,Lurah/ Kepala Desa sampai RW/ RT itah sama sama brantas narkoba te.

Amon tege duit Pemerintah riksa kea uras urine Lurah/ Kepala Desa, RW/ RT sampai tokoh adat Damang Mantir sampai masyarakat mangat tawan jaringan beredar obat gila te. Toh Gubernur itah puna tindak tegas berantas Narkoba, tapi buhen masih rami beredar te pak.?  (***).

 

image_print
Menampilkan lebih banyak
Close