Ela Munu Lauk Talimbas Kambues

Oleh :Effendy Jinu

Toh auh tampengan mangat sama sama mamenyang huang pambelom, awi miar andau baganti bulan batambah nyelu ampin karami dunia, amon itah dia barendeng tau manetei jalan akan karusak kalunen kilau umba manjual atawa kuman obat narkoba sampai tame panjara.

Amon jadi mangkeme je sala limbah jadi kana sama tanding ‘’MAMUNU LAUK HUANG DANUM TALIMBAS KAMBUES’’ arti harun uras manyasal tapi jadi kana, maka je kalute jatun guna hindai tinggal manyarenan karahih. Amon tambuhus pai masih tau njawut, tapi munu lauk limbah kambues jatun baguna.

Puna huang pambelom toh puna jarang je manyasal helu harun kana pamameh kulae sama kilau nupi helu bara batiruh. Amon  jetege manupi helu bara batiruh te puna uras tanjaru ih. Tapi tege peteh oloh bakas itah huran, amon tege ampin tundah kulan itah handak mahiwang netei jalan atawae buhu-buhus jalan oloh handak pamameh, keleh nega auh mangarendeng, tasarah je mahining handak manduan atawae dia.

Nah, Pilkada eka itah tuh dia pire hindai, ayo itah sama mamikir tuntang manampayah bua-buah mambuka mata mangat ela manyasal limbah kilau mamunu lauk talimbas kambues, awi jadi are suntue sama jadi bahasil uras lupa.***

image_print
Menampilkan lebih banyak
Close