Besei Jukung Sampai Kahem

Oleh : Effendy Jinu

Jaman huran pire-pire tokoh itah pakat mandai Jukung (alat tarnsportasi jaman dulu), awi masih jatun ati mobil sepeda motor kilau wayah toh mahalau jalan darat manampa jalanan kanih kate uras mangat tuntang capat sampai, amon mandai Jukung pasti uras tau mambesei.

Nah, je mandai Jukung te uras tege pangkat galar Tamanggung Damang .Jadi amon mambesei te puna jadi biasa , kira-kira jaman huran te mambesei akan upah manampa jalanan dia katawan tege pangkat galar atau masyarakat biasa sama. Huang perjalanan Tamanggung Damang mambesei Jukung te salenga petuk ih Jukung ewen ndue kana rutik ampah bahantung bentuk danum palus danum name Jukung.

Narai ikau, mite hasur danum karas tame, ayo pahari Tamanggung ikau manimba helu mangat ela kahem, eh eh kuwan Tamanggung aku tuh Galar ku Tamanggung dia mungkin manimba Jukung. Amon kalute paksa ikau ih Damang manimba, eh eh dia kea aku manimba Jukung tuh kuan Damang, awi Galar ku Damang, awi jatun huang uras ngawi manimba Jukung te.

Narai ampin palus buhu buhu Tamanggung ewen dua Damang hasual bentuk danum sambil mendeng mangancang pai lenge mansanan kagancang tuntang kagagah , sementara danum tatap tame , uras dia hakun ewen due manimba Jukung, dia maku kalah gengsi mimbing bangun timba.

Toha uh tanding oloh bakas ‘’ MAMBESEI JUKUNG SAMPAI KAHEM” awi uras karas atei dia maku kalah sampai giring bulun tekuk sama manuk jagau handak haparap nah, dia ewen manampayah akan baun narai je akan terjadi pastilah Kahem, Kahem, Kahem sama uras sama bisa nomos kilaua semdolop. Jatun Galar Tamanggung Damang te manggatang ewen due bentuk Danun, malah ulek dehes handak mimbit akan pampatei ih.

Ayo ela dia barendeng tuntang waspada itah belom pakat kati katoh,keleh itah menyanga uh semangat itah “Penyang hinje Simpei”, ela sampai itah Kahem, awi are je Kahem kukup dia tau balang. Amon Kahem bewei cuma lelep bisa munduk, tapi amon Kahem Kukup tambalik  tau leteng jukung te.(***).

image_print
Menampilkan lebih banyak
Close