au itah uras  kana pahapit

Oleh : Effendy Jinu

Revisi Undang Undang MD3 jadi selesai , huang hete  tege mamuat mangahana rakyat mangaritik gawin ewen  je sala , tege pasal je tau manjarat  rakyat

“TAU  ITAH URAS  KANA PAHAPIT”  (alat taradisional manangkap  Warik/ Bakei) , awi pintu janjara tabuka akan je are pander manyinggung perasaan wakil rakyat te. Awi arae je Bakei puna Bake Baakei taluh gawi marusak kabun huang tana.

Amon kalutuh ampin gelagat , keleh itah uras masang Plester hayak manutup matan itah mangat ela manampayah gawin ewen je dia sanunuh te, duem akan ewen meda-meda  belai kuman duit rakyat  ( korupsi ) akan bahata matei, awi tege  mantan wakil rakyat terhormat  kana hukum awi KPK matei huang tahanan.

Maka auh nah  itah tame jaman keterbukaan bebas bapander, awi kritik te akan kamiar, kecuali kritik fitnah handak marusah anggota dewan, jite je dia bahalap perlu nekap patame huang Karungan  sama kilau mandirik kegiatan Radikalisme tuntang handak marusak  NKRI, jite je basmi itah sama-sama.

Ela je hanya auh huang tutuk jela bewei  itah melai huang  falsapah   huma betang belom pakat hinye ruhui rahayu, tapi kenyataan itah kasikut hakijak takir, akan je dia kuat tame Rumah Sakit, akan je balemu akan pampatei. Tapi jamen tundah kula awi kalunen matei je pehe atei atawa mandarita, tege Ranjing Hatalla Langit tau mambaleh dia tau nawah pasti manjadi. cuma saat tutang cara mambaleh ih je beda-beda.

Awite itah puna baharap dengan wakil itah , en je munduk huang Gedung Bundar Luwuk Batawi (Jakarta) atau pimpinan  daerah , keleh mamparahan ampin  gawi je bujur buah, ela je mamimpin malah mahenyek anak buah sampai matei, tapi nega auh tingak ajar je bahalap mangat itah belom pakat palus uras ampin gawi gitan rakyat, pasti jatun kritik, aluh tege tapi habisik pitung seruh ih..(***)

image_print
Menampilkan lebih banyak
Close